裝修上多花心思，同樣可打造出一家人的理想安樂窩。
鐘太同鐘生都鍾情日本風格，裝修出日系簡約風家居一家三口，滲出日式溫馨感覺。

今期要介紹嘅單位為澳門濠庭都會兩房單位，實用面積約799呎，采用日式設計風格，
全屋以淺色調為主，再搭配木元素嘅家具，整體空間俾人一種落落大方嘅感覺。
開放式廚房嘅設計，方便之余亦提高空間嘅通透感，讓人有種房屋變大嘅感覺。

女女長大後，需要私人空間，希望留在自己睡房做功課。所以鐘生特別為女兒睡房增設書枱。

家具方面，以日式簡潔家具為主，采用統一嘅木材，提高空間嘅延伸感。
留白設計亦充分展示出日式嘅簡約。整體房屋都顯得輕松自然，且帶有濃濃嘅大自然氣息。